من طرف المسحـراتـى
مسحراتى بلدنا اللى عليه اعتادنا
وياما وراه لفينا وياما وراه أنشدنا
فى ليله كان زعلان جداً وطردنا
سبناه وقلنا يا رب يقابله ميت عفريت
سمعنا واحنا بندعى شيخ الغفر معروف
ضحك وقال لنا :عفاريت تِخَّوف عوف
دا عوف تربى البلد وياما عنيه بتشوف
ادعوا وقولوا يا رب مراته تسيب له البيت
تانى ليله اتجمعنا وحلفنا ان رجعنا
لنَحدِّفه بالطوب ونخربشه بصوابعنا
ونقوله روح موت طبلك مالوش معنى
لكن هو صالحنا ووزع علينا صميت
أكلنا الصميت ودعيناله بدوام الصحه
وقلنا يا رب اشفيه من المغص والكحه
ويوم العيد ارضيه ببسكوته وكحكه
و 3 كيلو سمك و3 كيلو زيت
واحنا راجعين شوفنا فحل شايل طبله
سألناه بتعمل ايه يا ابن ست الهبله
قال ليا نص البلد بأمر سيدى العمده
وليا نص التُرب رضيت أو عصيت
دبت خناقه بينهم واحنا بنتفرج
الفحل يقول أعمى وعوف يقول أعرج
طبلك مالوش معنى طبلى أنا أمزج
وحق من جمعنا لأقطعك فتافيت
رفع عوف الطبلة لبِّسها راس أبو ساميه
وبعصاية التوت اداله علقه حاميه
كاد الفحل يموت لولا بنته العاميه
فقعت لها كام صوت واتلمت الهلافيت
واتجمعت البلد ما بين صراخ وزعيق
ناس تقول دى حريقه وناس تقول دا غريق
ولجل تبان الحقيقه عملت البلد تحقيق
والشيخ بدوى صاح هدوء بلاش تنكيت
عوف قال يا بلد مين غيرى مسحراتى
أبو الحصين ورحل وقبله عم مراتى
مين هنا غيرى تُربى وابنه جزماتى
يا تاخدوا ليا حقى يا ارحل عالكويت
ردُّوا عليه الناس ياابو رزق ماتزعلشى
هانقطعه بالفاس هنعمله طرشى
البغل تخين الراس يسيب البلد ويمشى
يروح يشتغل كنَّاس حرامى الكتاكيت
طبَّل على طبلك أهبل وعبيط
هوَّ انت فيه زيك أما عليك تخبيط
بنسمعه فى بيوتنا بنسمعه فى الغيط
تُربى درجه أولى وياما يا عوف تَويّت
https://elshaerredaabdelaziz.yoo7.com/
مسحراتى بلدنا اللى عليه اعتادنا
وياما وراه لفينا وياما وراه أنشدنا
فى ليله كان زعلان جداً وطردنا
سبناه وقلنا يا رب يقابله ميت عفريت
سمعنا واحنا بندعى شيخ الغفر معروف
ضحك وقال لنا :عفاريت تِخَّوف عوف
دا عوف تربى البلد وياما عنيه بتشوف
ادعوا وقولوا يا رب مراته تسيب له البيت
تانى ليله اتجمعنا وحلفنا ان رجعنا
لنَحدِّفه بالطوب ونخربشه بصوابعنا
ونقوله روح موت طبلك مالوش معنى
لكن هو صالحنا ووزع علينا صميت
أكلنا الصميت ودعيناله بدوام الصحه
وقلنا يا رب اشفيه من المغص والكحه
ويوم العيد ارضيه ببسكوته وكحكه
و 3 كيلو سمك و3 كيلو زيت
واحنا راجعين شوفنا فحل شايل طبله
سألناه بتعمل ايه يا ابن ست الهبله
قال ليا نص البلد بأمر سيدى العمده
وليا نص التُرب رضيت أو عصيت
دبت خناقه بينهم واحنا بنتفرج
الفحل يقول أعمى وعوف يقول أعرج
طبلك مالوش معنى طبلى أنا أمزج
وحق من جمعنا لأقطعك فتافيت
رفع عوف الطبلة لبِّسها راس أبو ساميه
وبعصاية التوت اداله علقه حاميه
كاد الفحل يموت لولا بنته العاميه
فقعت لها كام صوت واتلمت الهلافيت
واتجمعت البلد ما بين صراخ وزعيق
ناس تقول دى حريقه وناس تقول دا غريق
ولجل تبان الحقيقه عملت البلد تحقيق
والشيخ بدوى صاح هدوء بلاش تنكيت
عوف قال يا بلد مين غيرى مسحراتى
أبو الحصين ورحل وقبله عم مراتى
مين هنا غيرى تُربى وابنه جزماتى
يا تاخدوا ليا حقى يا ارحل عالكويت
ردُّوا عليه الناس ياابو رزق ماتزعلشى
هانقطعه بالفاس هنعمله طرشى
البغل تخين الراس يسيب البلد ويمشى
يروح يشتغل كنَّاس حرامى الكتاكيت
طبَّل على طبلك أهبل وعبيط
هوَّ انت فيه زيك أما عليك تخبيط
بنسمعه فى بيوتنا بنسمعه فى الغيط
تُربى درجه أولى وياما يا عوف تَويّت
https://elshaerredaabdelaziz.yoo7.com/
