مصر بتضيع يا شباب
مصر بتضيع يا شباب
و الخساره بدون حساب
مصر داخله على خراب
على دمار و اكتئاب
مصر بتضيع يا شباب
مصر بتضيع يا مرسى
قُوم فِكْ لَزْقُ الكُرسى
ياما قُلت بِعِلوْ حِسِّى
ارجع عُودْ للصواب
مصر بتضيع يا شباب
هى دى بئا الحريه ؟
هى دى الديموقراطيه ؟
ناس تحتل الدستوريه
و ناس تحتل اتحاديه
و كل يوم مليونيه
ما بين الصادق و الكدَّاب
مصر بتضيع يا شباب
دعوه منى للتفاهم
للعمل و التلاحم
للتصالح ؛ للتناغم
لرجوع الحق اللى غاب
مصر بتضيع يا شباب
قول يا مرسى بشجاعه
ألف لا للجماعه
انت لمصر كل ساعه
لا بديع ولا البداعه
يساوو لحظة عذاب
مصر بتضيع يا شباب
مفيش عيب ف الرجوع
عن الخطأ و الممنوع
العيب منع المشروع
و نَهْجْ سياسة الغاب
مصر بتضيع يا شباب
الغى يا ريس الاعلان
الغير دستورى المُدان
و كمان قول للاخوان
البلتاجى و العريان
و البرنس و غزلان
لسبيع و كل لسان
كتير كلام و بدون حساب
مصر بتضيع يا شباب
للشاعر / رضا عبدالعزيز محمد
ت/ 01006395604
https://www.facebook.com/poet.reda.abdelaziz.mohmed