من طرف صـرخـــات امـرأه
صرخت فيا وقالت ابنك زيزو زيك
هو الوحيد فـ ولادك بالملِّى طالعلك
بـ يسمع كل كلامك و لا يناقشك
نرفوز زى حلاتك وشكله كمان شكلك
وعجبى ،،
صرخت فيا وقالت ايه بينك وبين سعيده
كل يوم عندنا ولابسه هدوم جديده
عايزه ايه مننا اكيد راسمه عليك
امى قالت كده ومرات عمى حميده
وعجبى ،،
صرخت فيا وقالت أنا زيك ولا أفرقشى
نفس الشهاده واخداها بامضى ولا ابصمشى
الفرق اللى بينا الشنب ونظرة المجتمع
زى ما بعمل تِعمَلْ تغسل وتطبخ محشى
وعجبى ،،
صرخت فيا وقالت أنا أجمل الستات
جمال طبيعى ربانى والجمال درجات
فشر جمال زبيده فشر جمال نجلاء
تحيا خالتى شاديه تحيا ستى نجاة
وعجبى ،،
صرخت فيا وقالت أنا نفسى ألبس دهب
إيه تزيده عنى مرات السيد رجب
لو حلوه أنا أحلى وكمان بنت أصول
وانت يا اخويا مدرس وجوزها منجد كنب
وعجبى ،،
صرخت فيا وقالت يا خاين العِشره
كل الرجاله دهب الا أنت قِشره
بره مع الأغراب تضحك وتفرفش
ومعايا تُعقد بُوزك كأنى مَرَه كِشره
وعجبى ،،
صرخت فيا وقالت أنا بنت أكابر
أبويا كان مهندس وليا عم ناظر
و ليا عم مدرس وعم سواق شاطر
و عم امام وخطيب تحلف به المنابر
وعجبى ،،
صرخت فيها وقُلت ياللى اعمامك عشره
جدك لابوكى ما بين الغفر حشره
و جدك لأمك أهل البلد عارفينه
ميكانيكى شاطر وعشره على عشره
وعجبى ،،
صرخت فيا وقالت أنا مش مجنونه
أنا عقلى يوزن بلد أعد حصى الشونه
لو مجنونه صحيح مين السبب غيرك
النخل يا فصيح ما طرح غير مكرونه
وعجبى ،،
صرخت فيا وقالت الجّد ما أحسنه
واللى يعمل عمل واجب عليه يتقنه
لك شهر وانت كسلان راح فين نشاطك
حتى شغلك كروته لازم تعيده وتوزنه
وعجبى ،،
صرخت فيا وقالت انا حصلت مين
كل عمايلك بانت وقعتك كانت طين
فلاتى بتاع نسوان حشاش وخامورجى
رأى امى فيك وأمى ست العارفين
وعجبى ،،
صرخت فيا وقالت أنا حظى شويه
وقعتى معاك مالت والسبب المخفيه
لافت عليك يوم وسرقتك منى
ألومها ولا ألومك اللوم على التربيه
وعجبى ،،
صرخت فيا وقالت أصرخ ألم الناس
أيامك الفقر طالت روح اشتغل بالفاس
سيبك م الوظيفه دى فلوسها ملاليم
اتعلملك صنعه خليك حساس
وعجبى ،،
صرخت فيا وقالت أنا نفسى فى التفاح
لازم يكون أمريكى قطفة الصباح
تجيبه ازاى مش شغلى ان شالله بالفاكس
تبرطم ترطن تغلى لا بد م التفاح
وعجبى ،،
صرخت فيا وقالت بكره عيد الأم
أختى نعمه جابت خاتم خفيف الدم
ايدك على ألف جنيه أشترى هديه
تليق بالست أمى وتزيح عنها الهم
وعجبى ،،
صرخت فيا وقالت وراس أبويا الغالى
ورحمة ستى الحاجه كمان ورحمة خالى
لو ما احترمت أمى وبوست ايديها
لأحرمك منى وأنا مفيش مثالى
وعجبى ،،
صرخت فيا وقالت أروح منك فين
صحتى معاك راحت وقل نور العين
تعبت من خدمتك انت وعيالك
يا تجيب لى شغَّاله يا تغسل المواعين
وعجبى ،،
صرخت فيا وقالت انا ابويا مهندس
لكن انت يا حسره كل الحكايه مدرس
بوس ايدك وش وضهر ان انا اتجوزتك
من يوم عشره فى الشهر بتكون يا روحى مفلس
وعجبى ،،
صرخت فيا وقالت خالتى ميرفت هنا
جات ومعاها جابت هدايا كتيره لنا
توكه شيك لريم ودستة مشابك شعر
اعمل يا فندى حسابك عشاها الليله عندنا
وعجبى ،،
صرخت فيا وقالت انا عايزه استوظف
عايزه الفلوس تكتر عايزه ألبس وأنضف
ورده زى السكر بين الجدران محبوسه
ماحصلتش أمل ولا سعيده أم أشرف
وعجبى ،،
صرخت فيا وقالت أنا عايزه بانيو
بشرط يكون يابانى ماركة سانيو
ستى نجاة جايباه جميل يا محلاااه
أخويا ياسر سمَّاه سى بانيو
وعجبى ،،
صرخت فيا وقالت زينب مرات معروف
سوق الحد راحت اشترت خروف
العيد الكبير داخل يلزمه ضحيه
إوعى تقول لأ وتخترع لى ظروف
وعجبى ،،
صرخت فيا وقالت بص لجوز زمزم
مهما صرخت وهاجت غير السُكات ما يلزم
نفسى لما أتكلم تخرس زيُّه وتسكت
أحسن براس أبويا أحلف عليك تحرم
وعجبى ،،
صرخت فيا وقالت عيالك عفاريت
دلوعتك ريم لاكت سلم البيت
و زيزو شاط الكوره كسر التلفاز
والكبير محمد دلق إزازة الزيت
وعجبى ،،
صرخت فيا وقالت ابنك أحمد غلَّبنى
ابن السنه المفعوص بالقلم ضربنى
طالع لابوه خلبوص مالوش أمان
خايفه لما يكبر زيَّك يتعبنى
وعجبى ،،
صرخت فيا وقالت أنا خلاص مليت
طلبات عيالك زادت وزاد شغل البيت
عمى عايدى قال لازم تجيب شغاله
تكون بنت حلال وبتفهم الإتيكيت
وعجبى ،،
https://www.facebook.com/poet.reda.abdelaziz.mohmed
www.elshaerredaabdelaziz.yoo7.com
m/01006395604
صرخت فيا وقالت ابنك زيزو زيك
هو الوحيد فـ ولادك بالملِّى طالعلك
بـ يسمع كل كلامك و لا يناقشك
نرفوز زى حلاتك وشكله كمان شكلك
وعجبى ،،
صرخت فيا وقالت ايه بينك وبين سعيده
كل يوم عندنا ولابسه هدوم جديده
عايزه ايه مننا اكيد راسمه عليك
امى قالت كده ومرات عمى حميده
وعجبى ،،
صرخت فيا وقالت أنا زيك ولا أفرقشى
نفس الشهاده واخداها بامضى ولا ابصمشى
الفرق اللى بينا الشنب ونظرة المجتمع
زى ما بعمل تِعمَلْ تغسل وتطبخ محشى
وعجبى ،،
صرخت فيا وقالت أنا أجمل الستات
جمال طبيعى ربانى والجمال درجات
فشر جمال زبيده فشر جمال نجلاء
تحيا خالتى شاديه تحيا ستى نجاة
وعجبى ،،
صرخت فيا وقالت أنا نفسى ألبس دهب
إيه تزيده عنى مرات السيد رجب
لو حلوه أنا أحلى وكمان بنت أصول
وانت يا اخويا مدرس وجوزها منجد كنب
وعجبى ،،
صرخت فيا وقالت يا خاين العِشره
كل الرجاله دهب الا أنت قِشره
بره مع الأغراب تضحك وتفرفش
ومعايا تُعقد بُوزك كأنى مَرَه كِشره
وعجبى ،،
صرخت فيا وقالت أنا بنت أكابر
أبويا كان مهندس وليا عم ناظر
و ليا عم مدرس وعم سواق شاطر
و عم امام وخطيب تحلف به المنابر
وعجبى ،،
صرخت فيها وقُلت ياللى اعمامك عشره
جدك لابوكى ما بين الغفر حشره
و جدك لأمك أهل البلد عارفينه
ميكانيكى شاطر وعشره على عشره
وعجبى ،،
صرخت فيا وقالت أنا مش مجنونه
أنا عقلى يوزن بلد أعد حصى الشونه
لو مجنونه صحيح مين السبب غيرك
النخل يا فصيح ما طرح غير مكرونه
وعجبى ،،
صرخت فيا وقالت الجّد ما أحسنه
واللى يعمل عمل واجب عليه يتقنه
لك شهر وانت كسلان راح فين نشاطك
حتى شغلك كروته لازم تعيده وتوزنه
وعجبى ،،
صرخت فيا وقالت انا حصلت مين
كل عمايلك بانت وقعتك كانت طين
فلاتى بتاع نسوان حشاش وخامورجى
رأى امى فيك وأمى ست العارفين
وعجبى ،،
صرخت فيا وقالت أنا حظى شويه
وقعتى معاك مالت والسبب المخفيه
لافت عليك يوم وسرقتك منى
ألومها ولا ألومك اللوم على التربيه
وعجبى ،،
صرخت فيا وقالت أصرخ ألم الناس
أيامك الفقر طالت روح اشتغل بالفاس
سيبك م الوظيفه دى فلوسها ملاليم
اتعلملك صنعه خليك حساس
وعجبى ،،
صرخت فيا وقالت أنا نفسى فى التفاح
لازم يكون أمريكى قطفة الصباح
تجيبه ازاى مش شغلى ان شالله بالفاكس
تبرطم ترطن تغلى لا بد م التفاح
وعجبى ،،
صرخت فيا وقالت بكره عيد الأم
أختى نعمه جابت خاتم خفيف الدم
ايدك على ألف جنيه أشترى هديه
تليق بالست أمى وتزيح عنها الهم
وعجبى ،،
صرخت فيا وقالت وراس أبويا الغالى
ورحمة ستى الحاجه كمان ورحمة خالى
لو ما احترمت أمى وبوست ايديها
لأحرمك منى وأنا مفيش مثالى
وعجبى ،،
صرخت فيا وقالت أروح منك فين
صحتى معاك راحت وقل نور العين
تعبت من خدمتك انت وعيالك
يا تجيب لى شغَّاله يا تغسل المواعين
وعجبى ،،
صرخت فيا وقالت انا ابويا مهندس
لكن انت يا حسره كل الحكايه مدرس
بوس ايدك وش وضهر ان انا اتجوزتك
من يوم عشره فى الشهر بتكون يا روحى مفلس
وعجبى ،،
صرخت فيا وقالت خالتى ميرفت هنا
جات ومعاها جابت هدايا كتيره لنا
توكه شيك لريم ودستة مشابك شعر
اعمل يا فندى حسابك عشاها الليله عندنا
وعجبى ،،
صرخت فيا وقالت انا عايزه استوظف
عايزه الفلوس تكتر عايزه ألبس وأنضف
ورده زى السكر بين الجدران محبوسه
ماحصلتش أمل ولا سعيده أم أشرف
وعجبى ،،
صرخت فيا وقالت أنا عايزه بانيو
بشرط يكون يابانى ماركة سانيو
ستى نجاة جايباه جميل يا محلاااه
أخويا ياسر سمَّاه سى بانيو
وعجبى ،،
صرخت فيا وقالت زينب مرات معروف
سوق الحد راحت اشترت خروف
العيد الكبير داخل يلزمه ضحيه
إوعى تقول لأ وتخترع لى ظروف
وعجبى ،،
صرخت فيا وقالت بص لجوز زمزم
مهما صرخت وهاجت غير السُكات ما يلزم
نفسى لما أتكلم تخرس زيُّه وتسكت
أحسن براس أبويا أحلف عليك تحرم
وعجبى ،،
صرخت فيا وقالت عيالك عفاريت
دلوعتك ريم لاكت سلم البيت
و زيزو شاط الكوره كسر التلفاز
والكبير محمد دلق إزازة الزيت
وعجبى ،،
صرخت فيا وقالت ابنك أحمد غلَّبنى
ابن السنه المفعوص بالقلم ضربنى
طالع لابوه خلبوص مالوش أمان
خايفه لما يكبر زيَّك يتعبنى
وعجبى ،،
صرخت فيا وقالت أنا خلاص مليت
طلبات عيالك زادت وزاد شغل البيت
عمى عايدى قال لازم تجيب شغاله
تكون بنت حلال وبتفهم الإتيكيت
وعجبى ،،
https://www.facebook.com/poet.reda.abdelaziz.mohmed
www.elshaerredaabdelaziz.yoo7.com
m/01006395604
