حكمــه عبـدالنبــى
الاسم حكمه عبدالنبى
والنقب بحراوى
حاجه وزايره النبى
وخاليه يا غاوى
السن 60 سنه
م العز مدَّارى
من خمس سنين أرمله
وارثه بلاوى
وارثه دار ملك
وكردان دهب بيضاوى
ولها رصيد فى البنك
عندها تلفاز فرنساوى
ست بيت ممتازه
تغسل وتطبخ وتساوى
وف الكلام أستاذه
رغى حواديت وحكاوى
فاهمه الطب بالفطره
ياما كسَّرت حصاوى
صاحبة رأى وفتوى
زى حماد أبو الصاوى
غاويه التجاره وناويه
تشترى عُمَرْ وصيدناوى
وحاجات كتيره تانيه
وشركة معَسِّل الحناوى