"لحد إمتى"
لحد إمتى هنفضل لابسين الغُما
دايرين فى السواقى فرحانين بالعَما
دا احنا بشر وأحلى بشر إنما
ينقصنا نخلع الغُما ونبص فى السما
ونعد النجوم لو نقدر نعدها
بالكوم خيرات بلدنا قدها
بحرين ونيل وقنال وحضاره مفيش زيها
مش بس دول دا النِّعَمْ صعب حصرها
عندنا بترول ومناجم دهب بقفلها
وأرض خصبه مفيش فى الدنيا أختها
ولاَّده ياما أنجبت وياما لسه فى بطنها
آمنه وأمينه ولا يوم عمرها
خيبت أمل اللى بيها احتمى
اللى بناها مش حلوانى وبس
دا فنان ورسام بجمالها حَس
وكمان معلم وأخر مَعْلَمَهْ
لحد إمتى هنفضل لابسين الغُما
دايرين فى السواقى فرحانين بالعَما
دا احنا بشر وأحلى بشر إنما
ينقصنا نخلع الغُما ونبص فى السما
ونعد النجوم لو نقدر نعدها
بالكوم خيرات بلدنا قدها
بحرين ونيل وقنال وحضاره مفيش زيها
مش بس دول دا النِّعَمْ صعب حصرها
عندنا بترول ومناجم دهب بقفلها
وأرض خصبه مفيش فى الدنيا أختها
ولاَّده ياما أنجبت وياما لسه فى بطنها
آمنه وأمينه ولا يوم عمرها
خيبت أمل اللى بيها احتمى
اللى بناها مش حلوانى وبس
دا فنان ورسام بجمالها حَس
وكمان معلم وأخر مَعْلَمَهْ