احنــــــــــا ميــــــــــــــن وفكرنا ايه ؟؟!!

بسم الله الرحمن الرحيم

- فى ناس كلمتنى على email وابدت موافقتها على فكرتنا وانا الحقيقة سعيد جدا بدة وبشكرهم جزيل الشكر ... وبقول
لكل واحد كلمنى ع الميل احنا يشرفنا انك تكون معانا ..

متتصوروش يا شباب احساسى ايه وانا بسمع كل ولد وبنت وهو
بيكلمنى وبيقولى : انا عايز اعمل حاجة وبجد عايز اكون معاكم .
كنت بسأل نفسى احنا ليه خايفين على مصر ؟
صدقونى مفيش خوف على مصر بلدنا ووطنا طول مافى شباب زيكم
واسمحولى اعرض رؤيتى لشهر
فبراير ومارس وانا مستعد لمناقشة الرؤية دى مع كل واحد مختلف معايا ..

- اولا
لازم نفهم المشهد السياسى اللى قدامنا شكله عامل ازاى
:-

المشهد السياسى عبارة الان عن حركة بتقوم بيها احزاب
قديمة زى الوفد والغد والتجمع وغيره الناس دى دلوقت بتعيد ترتيب اوراقهااستعدادا للمرحلة الجاية وطبعا الناس دى هدفهم السلطة مش
اكتر وسمعنا ان الاخوان عازمين على تاسيس حزب مدنى
ههههههههههه الاخوان اللى كانوا اصحاب فكر سلفى واتجاه
دينى عايزين يعملوا حزب مدنى يقوم على المبادىء الديمقراطية اللى بتنادى بيها ماما امريكا
.. سياسة غبية لكن دة المتوقع من اى حد بيسعى للسلطة مش
للاصلاح والناس دى هدفها السلطة ايا كانت الوسيلة بتاعتهم سواء حزب دينى او حزب مدنى وانا عن نفسى كنت هحترم الاخوان المسلمين
لو فضلوا على نفس اتجاهم من غير اى تغيير لكن هما بيشوفوا ايه اللى بياكل مع الناس ويعملوه فاكرين الشعب
غبى ...

- ثانيا : حركة كفاية وشباب 6 ابريل ومجموعات من الشباب
التانية عملوا ائتلاف ثورة
الغضب ودة عبارة عن ناس بتوحد قوتها عشان تعمل حزب سياسى بردوا ينافس على السلطة والشباب اللى
عمال يطلع فى القنوات الفضائية وبيقول كلام جميييييييييل اوى لكن للاسف دة مش كلام الشباب دة كلام حافظينه
من قيادات المعارضة
وبيحفظوه للشباب عشان يقولوه .. يعنى الناس دى بتستخدم الشباب كارت بيلعبوا بيه مش اكتر
..


- ثالثا :- وهيا ان فى مجموعات من الشباب بيؤمنوا بفكرة
وهدف مشترك وبيحاولوا
يكون ليهم كيان يعبروا بيه عن رايهم سواءا كان الكيان دة جمعية او حزب او حركة
...

طيب السؤال احنا بقى " مجموعة شباب مصر " فين من كل دة ؟؟؟

من اول لحظة عرضت فيها فكر المجموعة قلت
:-
-


احنا مجموعة من شباب مــصـــر بنحلم تكون مصر احسن واقوى وافضل
وتعاهدنا على ان نجتهد جميعا لاحداث نهضة شاملة لم تحدث فى تاريخ مصر تخرج بها بلدنا العزيزة من دائرة العالم الثالث
النامى المتخلف الى دولة قوية مدنية ديمقراطية متقدمة ..



دة معناه ان سياستنا هيا الاصلاح ودى لازم تكون سياسة
واضحة للجميع

احنا لو اخترنا السلطة فدة بالنسبة لنا هيكون هدف سهل لكن
احنا اخترنا الهدف
الصعب اخترنا " اصـــــلاح مـــــصــــــر".
طيب ايه هيا الاداة اللى هنصلح بيها مصر
الاداة هيا انتو .. احنا ... انا ... شباب
مصر
شباب بيتجمعوا من فئات عمرية مختلفة من كل محافظات مصر
هدفهم انشاء حزب سياسى
والحزب دة هيكون الكيااااان بتاعنا
هنتكلم فيه بأسمنا من بأسم غيرنا ...
هنعبر فيه عن رأينا مش رأى غيرنا ...
هنتكلم عن افكارنا مش افكار حد تانى ...

ويكون الكيان دة صوته مسموع بيعبر عن صوت الناس الغلابة
اللى مالهاش صوت
هيكون لينا تمثيل سياسى فى مجلس الشعب والشورى
هتكون لينا ازاعة على الراديو فيها شباب بيتكلموا باسمنا ...
هيكون لينا جورنال ينشر كل اخبارنا


طيب احنا دلوقت عددنا كام ....؟

- احنا دلوقت بنعمل لجنة اسمها لجنة المؤسسين ودى بتضم كل
شاب ممثل من مجموعة
شباب مصر فى كل محافظة ودول اللى حملهم تقيل لانهم شايلين هم الحزب كله على اكتافهم ..

واحنا دلوقت عندنا ممثلين ومجموعات كبيرة الحمد لله فى
القاهرة والجيزة والقليوبية و6 اكتوبر والفيوم وكفر الشيخ وشمال سينا
ومجموعات مش كبيرة اوى بس عددها معقول وفيها شباب راجل
شغل سنة بيعملوه فى يوم فى المنصورة والاسماعيلية والمنيا ودمياط

احنا مش هدفنا نعمل حزب احنا هدفنا نعمل " اقوى حزب "

هنشتغل مع كل التيارات السياسية الموجودة ند بند

اما عن اهداف الحزب فدى هتكون مفاجأة وانا مش عايز اكتبها
خوفا من سرقتها لانها اهداف معاها استراتيجية كاملة هتخلى فعلا مصر دولة قوية مش بس
كدة دة احنا
كمان واخدين فى اعتبارنا تجهيز الجيل اللى جاى بعدنا

فى الختام :-

- بطلب من كل شاب وكل بنت انها تعرض الفكرة دى على اصحابها
وجيرانها واهلها وكل واحد ولد او بنت مسلم او مسيحى يقدر يكون 100 شخص يكلمنى وانا
وزمايلى حاليا
بنجهز مقر نتقابل فيه كلنا ودة هيكون قريب اوى اوى
- وبطلب منكم نشر لينك البلوج او الموقع بتاعنا دة http://shababmasr25.tk/
لكل اللى معاه .

للتواصل مع المؤسس الفعلى لمجموعة شباب مصر
الاسم : احمد
طالب بحقوق عين شمس
0117156542
shabab251@yahoo.com